GOPIKA VENU

 ഈ ആഴ്ച ക്ലാസുകൾ എല്ലാം സാധാരണ പോലെ തന്നെ നടന്നു.കുട്ടികളുമായി കൂടുതൽ എടുക്കുവാൻ സാധിച്ചു.ക്ലാസ് കൈയിൽ നിർത്താൻ സാധിച്ചു എന്നതാണ് എടുത്ത് പറയേണ്ട കാര്യം.ഓരോ ദിവസവും ഓരോ കാര്യങ്ങൾ പഠിക്കാൻ സാധിച്ചു.അതു പോലെ തന്നെ പാളയംകുന്ന് സ്കൂളിനെ സംബന്ധിച്ച് വളരെ പ്രധാനപ്പെട്ട ഒരു പരിപാടിയിൽ പങ്കെടുക്കാൻ അവസരം ലഭിച്ചു.പാളയംകുന്ന് സ്കൂളിൽ spc തുടങ്ങിയ ശേഷമുള്ള ആദ്യ പാസിങ്ങ് ഔട്ട് പരിപാടി ശനിയാഴ്ച ആയിരുന്നു.അതിലും പങ്കെടുക്കാൻ അവസരം ലഭിച്ചത് ഭാഗ്യമായി കാണുന്നു.ടീച്ചേഴ്സും ഒത്ത് കുടുതൽ ഇടപെടാൻ അവസരം ലഭിച്ചു . MLA വി.ജോയി ആയിരുന്നു വിശിഷ്ട അതിഥി.വളരെ മികച്ച ഒരു പരിപാടി ആയിരുന്നു.

 ഓൺലൈൻ ക്ലാസുകൾക്ക് ശേഷം വീണ്ടും സ്ക്കൂളിലെക്ക് തിരിച്ചെത്തിയ ആഴ്ച.മുഴുവൻ കുട്ടികളും സ്കുളിൽ എത്തി.പ്രവർത്തന സമയം വൈകുന്നേരം. വരെ ആക്കി.ആദ്യ രണ്ട് ദിവസം വളരെ ബുദ്ധിമുട്ട് ആയിരുന്നു ക്ലാസ് കൈകാര്യം ചെയ്യാൻ.കുട്ടികൾ കുറെ കാലം കൂടി ഒന്നിച്ചു കണ്ടതിന്റെ സന്തോഷത്തിലും ആവേശത്തിലും ആയിരുന്നു.പിന്നെ പിന്നെ ക്ലാസ് കൈകാര്യം ചെയ്യാൻ വളരെ എളുപ്പമായി.കുട്ടികളുമൊത്ത്  കുറെ നല്ല സമയങ്ങൾ ചിലവിടാൻ കഴിഞ്ഞു.സ്കൂളിലെ കാര്യങ്ങൾ പറയുകയാണെങ്കിൽ ഉച്ചഭക്ഷണം വിളംബാൻ പോകാറുണ്ട്.അതുപോലെ സ്കുളിൽ സ്കൂൾ കെട്ടിട നിർമാണവുമായി ബന്ധപ്പെട്ട് ഒരു പിടിഎ മീറ്റിംഗ് ഉണ്ടായിരുന്നു.വി.ജോയി എം എൽ എ മീറ്റിംഗിൽ പങ്കെടുത്തു.ഈ ആഴ്ച നല്ല അനുഭവങ്ങളാണ് സമ്മാനിച്ചത്.

 വളരെ സന്തോഷം തോന്നുന്നു ഇപ്പോൾ.ഈശ്വരൻ ഞങ്ങളുടെ പ്രാർത്ഥന കേട്ടിരുന്നു.അടുത്ത ആഴ്ച മുതൽ ഓഫ്‌ലൈൻ ക്ലാസുകൾ തുടങ്ങുകയാണ്.ഓൺലൈൻ ക്ലാസുകളുടെ അവസാന വാരം.ഏറെ സന്തോഷം ഉണ്ട്.ഈ ആഴ്ചത്തെ ക്ലാസുകൾ മറ്റ് രണ്ടു ആഴ്ചകളിലെക്കാൾ നന്നായി എടുക്കുവാൻ സാധിച്ചു.അതുപോലെ കൂടുതൽ ക്ലാസുകൾ കിട്ടി.വിജി ടീച്ചർ ക്ലാസ് നിരീക്ഷിക്കുന്നതിനായി ക്ലാസിൽ കയറി.അങ്ങനെ കുറെ സന്തോഷങ്ങൾ. 9ഉം 8ഉം രണ്ട് ക്ലാസുകൾ വീതം ലഭിച്ചു.തിങ്കളാഴ്ചത്തെ 9ൻ്റെ ക്ലാസിൽ ആണ് വിജി ടീച്ചർ കയറിയത്.നന്നായി ക്ലാസ് എടുക്കുവാൻ സാധിച്ചു.കുട്ടികൾ വളരെ നല്ല പ്രതികരണം ആയിരുന്നു.ടീച്ചറും വളരെ നല്ല അഭിപ്രായം പറഞ്ഞു.വളെര സന്തോഷം തോന്നി.പിന്നീട് അടുത്ത ദിവസങ്ങളിലെയും ക്ലാസുകൾ മികച്ചതാക്കാൻ കഴിഞ്ഞു.പരീക്ഷണങ്ങൾ നേരിട്ട് കാണിച്ചുകൊടുത്തും, വീഡിയോ ദൃശ്യങ്ങളും,സ്ലൈഡുകൾ പ്രദർശിപ്പിച്ചും ക്ലാസുകൾ വർണ്ണാഭമാക്കി.കുട്ടികളുടെ സന്തോഷമാണ് എന്നെ ഏറെ സന്തോഷിപ്പിച്ചത്.പിന്നെ ഓഫ്‌ലൈൻ ആകാൻ പോകുന്നതിൻ്റെ സന്തോഷവും ഉണ്ട്.ഈ ആഴ്ച കൂടി ആകുബോൾ 11ഓൺലൈൻ ലെസൺ പ്ലാൻ തീർത്തും.ഇനി വീണ്ടും സ്ക്കൂളിലെക്ക്....എല്ലാം നന്നായി വരാൻ പ്രാർഥിക്കുന്നു.

 ഓൺലൈൻ അധ്യാപനത്തിൻ്റെ അടുത്ത ഭാഗമായിരുന്നു ഈ ആഴ്ച.മനസിൽ എന്തൊക്കെയോ വ്യാകുലചിന്തകൾ ഓടി കളിച്ച ഒരു ആഴ്ച.ഇങ്ങനെ തന്നെ ഭാവിയിൽ തുടരേണ്ടി വരുമോ, സ്കൂളിൽ ഇനി പോകുവാൻ സാധിക്കുമോ അങ്ങനെ ഒത്തിരി ചിന്തകൾ.ക്ലാസിനെ കുറിച്ചു പറയുകയാണെങ്കിൽ വളരെ പരിതാപകരമാണ് അവസ്ഥ.വളരെ കുറച്ച് കുട്ടികളെ ക്ലാസിൽ കയറും.9A,B,C ഒരുമിച്ചായിരുന്നു ക്ലാസ്. 89 കുട്ടികൾ ഉള്ളതിൽ 28 കുട്ടികൾ മാത്രമാണ് ക്ലാസിൽ കയറിയത്.കഴിഞ്ഞ ആഴ്ച്ചയിലെക്കാൾ ക്ലാസ് മികച്ചതാക്കുവാൻ കഴിഞ്ഞു.ബ്ലാക്ക് ബോർഡ് ഒക്കെ സംഘടിപ്പിച്ചു.കുട്ടികൾ കുറച്ചുകുടി ശ്രദ്ധിക്കുന്നുണ്ടായിരുന്നു.എൻ്റെ കഴിവിന്റെ പരമാവധി ഞാൻ ശ്രമിച്ചു.അടുത്ത ദിവസം 8A,B ക്കായിരുന്നു ക്ലാസ്.അവിടെയും അവസ്ഥ ഇതുതന്നെ.കുറച്ചു കുട്ടികളെ ക്ലാസിൽ കയറു.എന്തുചെയ്യാനാണ് , സാഹചര്യം അത്രയും മോശമാണ്.വരുന്ന കുട്ടികൾക്ക് ശ്രദ്ധയോടെ ഇരിക്കാനുള്ള പല മാർഗ്ഗങ്ങളും ഞാൻ സ്വീകരിക്കുന്നുണ്ടായിരുന്നു.പക്ഷേ മനസിന് ഒരു തൃപ്തി ഇല്ല.ഈ ആഴ്ച രണ്ട് ക്ലാസെ ലഭിച്ചുള്ളു.എത്രയും വേഗം ഓഫ് ലൈൻ ക്ലാസാകുവാൻ പ്രാർത്ഥിക്കുന്നു.